新北市板橋區重慶國民小學附設幼兒園 臺灣母語日專區網站

【一二三】

一二三，穿新衫，

四五六，冊愛讀，

七八九，不當哮，

歡歡喜喜來學校。

【上課】

上課實在真趣味，

繪圖跳舞念歌詩，

認真讀冊捌道理，

人人呵咾好教示。

【摒掃】
咱的教室像咱兜，
逐日攏是愛摒掃，
掃塗跤，洗地枋，
排桌椅，拭門窗，
逐家互相愛幫忙，
工課做好心輕鬆。

【箍箍仔】

我及阿明箍箍仔，

我箍著一罐糊仔，

送予阿明糊簿仔，

阿明箍著碗盤仔，

送予我扮公伙仔。

【菜】

賣菜伯仔在賣菜，

有白菜、有蕹菜，有菜瓜、包內菜，

豆菜、芹菜、菠蔆仔菜，有人逐工來買菜，

三頓攏煮也誠豐沛。

【月 娘】

月娘月娘笑咪咪

十五十六伊上圓

有時見笑走去匿

害阮天頂尋無伊

【我的朋友在哪裡？】

一二三四五六七

我的朋友在哪裡？

在這裡，在這裡，

我的朋友在這裡。

【作伙來跳舞】

咱大家，來跳舞，

你學猴狦ㄚ甩樹藤，

我學兔仔噗噗跳，

他學蛇地板爬啊爬。

【踢球】

阿華踢球有夠敖，

一踢踢到大門口，

抵好挵到一隻狗，

狗仔驚甲齩齩哮。

【跳索仔】

跳索仔，真趣味，

跳過來，跳過去，

一二三四五六七，

跳來跳去真歡喜。

【來洗手】

洗手要注意，

肥皂嚕嚕嚕，

雙手洗清氣，

不通放忘記。

【規身軀來振動】

頭殼、肩胛頭、跤頭趺，

跤頭趺、跤頭趺，

頭殼、肩胛頭、跤頭趺，

目睭、鼻佮嘴。

【和尚弄破鼓】

和尚和尚弄破鼓，

提褲來補鼓，

鼓破褲補褲破布補，

到底是布補鼓，

也是褲補鼓。

【水道水】

水道頭，有水流，

用了關互好，

毋甬漏，儉儉兒用，才是敖。

【𨑨迌物仔】

空矸仔、空罐仔，

樹葉仔、舊報紙，

攏隆總是我的𨑨迌物仔，

𨑨迌物，真趣味，

逐家耍甲真歡喜

【一的炒米香】

一的炒米香，二的炒韭菜，

三的搶搶滾，四的炒米粉，

五的五將軍，六的六子孫，

七的蚵仔煮麵線，

八的講伊欲分一半，

九的九嬸婆，十的撞大鑼。

【穿紅衫的老阿公】

穿紅衫的老阿公啊，

請你緊緊來，

穿紅衫的老阿公啊，

請你緊緊來，

阮大家在這裡等候

大家在等候，

穿紅衫的老阿公啊，

請你緊緊來。

【過新年】

過新年，真歡喜，

貼春聯，食雞腿，

穿新杉，分新錢，

大人囡仔攏歡喜，

看到人，手就比，

開喙攏講恭喜！恭喜！